5 რჩევა მანქანის შესაძენად

მანქანის ყიდვა საინტერესო გამოცდილებაა, მაგრამ ამავდროულად რთულიცაა. უამრავ ვარიანტს შორის საუკეთესოს არჩევა ჩახლართული პროცესია. ზოგჯერ ზუსტად იცით რა ბრენდის კონკრეტული ავტომობილი გინდათ, თუმცა იმაში დარწმუნება, რომ ყველანაირად გამართულია და თქვენზე მორგებული არც ისე მარტივია. 

ჩვენი ბლოგით ვეცდებით მოგცეთ საინტერესო და თქვენთვის საჭირო 5 რჩევა, რომელიც ავტომობილის სწორად შერჩევაში დაგეხმარებათ.

სანამ მანქანების დათვალიერებასა და არჩევას გადაწყვეტთ, გაიაზრეთ რამდენის გადახდას შეძლებთ. იყავით რეალისტები თქვენს ფინანსებთან დაკავშირებით. გახსოვდეთ, ეს არ არის მხოლოდ მანქანის ფასი, რომელიც უნდა გაითვალისწინოთ. იფიქრეთ მიმდინარე ხარჯებზე, როგორიცაა საწვავი, დაზღვევა, ტექნიკური მომსახურება და რეგისტრაციის საფასური. ბიუჯეტის დადგენით თავიდან აიცილებთ ზედმეტ ხარჯს. შემდეგ უკვე გადაწყვიტეთ ერთიანად შეძლებთ თანხის გადახდას, თუ გსურთ აიღოთ ავტო სესხი, ან ავტო განვადება გააკეთოთ.

როგორც ახალ, ასევე მეორად მანქანებს აქვთ თავისი დადებითი და უარყოფითი მხარეები. ახალი მანქანა მოდის უახლესი ფუნქციებითა და გარანტიით, მაგრამ ის უფრო ძვირია და სწრაფად კარგავს ღირებულებას. მეორადი მანქანა უფრო იაფია და სწრაფად არ ცვდება, მაგრამ დაკვირვებით უნდა შეამოწმოთ რა მდგომარეობაშია. გადაწყვიტეთ რა არის საუკეთესო თქვენი საჭიროებებისა და ბიუჯეტისთვის.

დაუთმეთ დრო მანქანის სხვადასხვა მოდელების ძიებას. გაიგეთ მისი საწვავის ეფექტურობა, უსაფრთხოების მახასიათებლები და მომავალში გაყიდვის ღირებულება. განხილვების წაკითხვა და იუთუბზე სხვადასხვა ავტობლოგერების ვიდეოების ყურება მოგცემთ მკაფიო წარმოდგენას იმის შესახებ, თუ რას უნდა ელოდოთ. არ დაგავიწყდეთ ფასების შედარება სხვადასხვა დილერებთან, რომ საუკეთესო ვარიანტი იპოვოთ.

მანქანა შეიძლება იდეალურად გამოიყურებოდეს და ფურცლებზე დაწერილი მონაცემებიც მოგწონდეთ, მაგრამ როგორაა ის თქვენზე მორგებული მართვის დროს? ტესტდრაივი აუცილებელია. ყურადღება მიაქციეთ, რამდენად კომფორტულია სავარძლები, რამდენად მარტივია მისი მართვა, ამართლებს თუ არა იმ მოლოდინებს, რაც გქონდათ. დარწმუნდით, რომ ის შეესაბამება თქვენს ყოველდღიურ საჭიროებებს, იქნება ეს ქალაქში მგზავრობა, თუ ქალაქგარეთ მოგზაურობა.

მანქანის ყიდვა დიდი ინვესტიციაა, ასე რომ გადაწყვეტილების მიღებისას სიჩქარე არც ისე კარგია. არ მისცეთ უფლება დილერებს, თქვენზე გავლენა მოახდინონ. იფიქრეთ თქვენს საჭიროებებზე და გადაამოწმეთ გარანტიის პირობები. სჯობს ცოტა მეტი დრო დაუთმოთ და თქვენს არჩევანში დარწმუნებული იყოთ, ვიდრე იჩქაროთ და მოგვიანებით ინანოთ.

მანქანის ყიდვა არ უნდა იყოს სტრესული, პირიქით სიხარულის მომტანი უნდა იყოს. მკაფიო ბიუჯეტით, დაკვირვებითა და მოთმინებით, შეგიძლიათ იპოვოთ ავტომობილი, რომელიც შეესაბამება თქვენს ცხოვრების წესს. 

გაითვალისწინეთ ჩვენი რჩევები და შეარჩიეთ სასურველი ავტომობილი მარტივად, ზედმეტი პრობლემების გარეშე.